للقدر كلمة اخري... الجزاء الاول
#للقدركلمةاخرى
انا من الولايات جيتةاقرا الجامعه هنا في 2007 وعمري كان 17 رجعت اهلي بعد خلصت الجامعه وانا عندي بيت في اركويت فيهو تلاته غرف وصالون وهول كبير ومشطب ارقى تشطيب احكي ليكم القصه طيب في 210 بالضبط شهر 9 انا راجعه من الجامعه في الشارع طقشتني عربيه طقشه خفيفه كان سايق العربيه عمو كبير قمت اتنفضت قلت ليهو انا كويسه وما عندي حاجه وجات سليمه اصر علي انو يوديني المستشفى نطمن وفعلا وداني والحمد لله ما عندي حاجه قام اداني قروش كتيره وشال رقمي وقال لي اذا احتجتي اي حاجه اتصلي لي وحكى لي انو عايش في فيلا في الرياض براهو واولادو وبناتو في كندا والمانيا وبريطانيا وهو رفض يطلع من السودان ولا بسألو عنو ومرتو مع بتها في المانيا وانو عايش وحيد مع الخدم وقال لي ممكن تزوريني في اي وقت وهو عندو سلسلة شركات هنا و وضعو المالي ممتاز المهم بديت اتواصل معاهو ومره مره بتصل اسأل عنو وكده لحدي ما يوم قال لي انو عيان شديد وقولت ليهو طيب انا حأجي اشوفك فعلا مشيت سلمت عليهو وكان شكلو تعبان ويائس من الدنيا ويحكي ويبكي من قسوة اولادو انو حتى ما ضربو يطمنو علي بقى كيف قال لي لوموت في الغرفه دي مافي زول حيعرفني انا ابوي متوفي من عمري سنه وما ضوقت حنان الاب طوالي قلت ليهو اعتبرني بتك قام ابتسم لي قولت ليهو يلا حانقوم نمشي الدكتور بعد تحنيس وافق ما كان قادر يوقف على حيلو انا دخلتو الحمام حميتو للناس الحتستغرب كان لابس من تحت وانا متعوده كنت بحمي جدي ابو امي كان معانا في البيت الله يرحمو حميتو وحلقت ليهو اي والله وقطعت ليهو اظافرو ومسحتو ولبس وضرب لي السواق عشان يجي يودينا الدكتور مشينا الدكتور عمل لي فحوصات كتيره وقال ليهو انت ما مهتمي بصحتك وجسمك ضعيف شديد حاليا حاديك فايتمينات وتمشي بنظام غذائي معين حاديك ليهو وترجع لي بعد 15 يوم حانعمل فحوصات تاني شلت البرنامج بتاع التغذيه من الدكتور ومشسنا اشترينا الحبوب من الصيدليه ورجعنا البيت كان الساعه 10 ونص في الوقت داك خالتي بقت تتصل علي انت وين اتأخرتي ليه صايعه وين طبعا انا عايشه معاها في الكلاكله وهي وبناتها تعاملهم معاي كعب شديد وانا صابره ومستحمله عشان اكمل جامعتي واشتغل اساعد اهلي تعاملهم معاي كعب شديد ودايما بحسسوني انو شاركتهم في لقمتهم لو طلعو وانا مافي بلقى البيت كلو مقفل حتى الحمام الا اقعد في الحوش بره ولو احتجت لي جنيه مصاريفي انتهت ما بدوني ممكن عادي اقعد ما امشي الجامعه لانو ما عندي قروش مواصلات وانا بجي من الجامعه متأخر مرات 7 بلقى ما خلو لي غدا كتير بنوم جعانه او بشتري طحنيه بي 3 جنيه وعيش بي جنيه كنت عايشه معاهم حياه صعبه شديد واجي يوم الجمعه اغسل هدومي حقت الجامعه واكويهم طبعا ما ادوني ضلفة دولاب كنت خاته هدومي في شنطه تحت السرير بلقى بناتها لبسو الهدوم وجدعوها لي وسخانه ولا خالتي بناتها كلهم ضعاف انا الحمد لله صحتي كويسه شويه كل مره تقول لي انتي بتبلعي شنو ادي معاك اخواتك وتقعد تقارن بيني وبينهم والله يا بنات بحس بيها بتتفكر فيني وانا شعري طويل لي نص ضهري يوم صحيت لقيتو مقصوص جمبي قدر ما احكي ليكم عن معاناتي معاهم الكلام ما حيخلص ياخ في البرد الشديد داك كلو واحده عندها بطاانيه انا عندي بتغطى بالملايه الليل كلو بردانه في حن انو البطاطين راصنهم في راس الدولاب قال شنو انا بوسخها بالزيت في شعري
منقوووول
رفعب البوست اكتبي تم عشان انزل الباقي
رفعب البوست اكتبي تم عشان انزل الباقي
انتظروو............... الجزاء الثاني قريبآ
ليست هناك تعليقات:
إرسال تعليق